ਸ਼ਹੀਦ -ਏ -ਆਜ਼ਮ

ਸ਼ਹੀਦ -ਏ -ਆਜ਼ਮ ਦੀ ਕੈਸੀ ਛਵੀ ਅਜਕਲ
ਮੁਛਾਂ ਕੁੰਡੀਆਂ ਫੜੀ ਬੰਦੂਕ ਵੇਖੋ

ਇੱਕੋ ਦਿਨ ਹੈ ਯਾਦ ਮਨਾਈ ਜਾਂਦੀ
ਫਿਰਵੀ ਕਰਦੇ ਕੀ ਪਏ ਸਲੂਕ ਵੇਖੋ

ਰਾਜਨੀਤੀ ਦੇ ਡੰਕੇ ਵਜਾਈ ਜਾਂਦੇ
ਵਰਗ੍ਲਾਈ ਜਾਂਦੇ ਜਨਤਾ ਮਲੂਕ ਵੇਖੋ

ਇਨਕ਼ਲਾਬ ਦੇ ਜੇਸਨੇ ਲਾਏ ਨਾਅਰੇ
ਅੱਜ ਸੁਣਦੀ ਨੀ ਓਸਦੀ ਕੂਕ ਵੇਖੋ

ਉਸਦੀ ਸੋਚ ਦਾ ਭਾਰਤ ਨਾ ਉਸਰ ਸਕਿਆ
ਕਿਉਂਕਿ ਸੋਚ ਨਾ ਓਹਦੀ ਅਪਨਾਈ ਆਪਾਂ

ਫੋਟੋ ਗਡੀ ਤੇ ਲਾਈ ਜ਼ਰੂਰ ਹੈ ਪਰ
ਉਸਦੀ ਛਵੀ ਨਾ ਦਿਲ ਚ ਵਸਾਈ ਆਪਾਂ

ਹਰ ਇਕ ਦੌਰ ਅੰਦਰ ਕ੍ਰਾਂਤੀ ਜ਼ੋਰ ਫੜਦੀ
ਸਾਨੂੰ ਅਜੇ ਵੀ ਲੋੜ ਇਨਕ਼ਲਾਬ ਦੀ ਏ

ਜਿਥੇ ਜੰਮਦੇ ਭਗਤ ਸਿੰਘ ਜੇਹੇ ਸੂਰੇ
ਸਾਨੂੰ ਭਾਲ ਅੱਜ ਓਸ ਪੰਜਾਬ ਦੀ ਏ
'ਨੂਰ' ਭਾਲ ਅੱਜ ਓਸ ਪੰਜਾਬ ਦੀ ਏ

~'ਨੂਰ'