ਜਾਣ ਵਾਲੇ ਤਾਂ ਮੁੜ ਨਹੀਂ ਆਉਂਦੇ
ਛੱਡ ਜਾਂਦੇ ਨੇ ਯਾਦਾਂ ਪਿੱਛੇ
ਸਾਰੀ ਉਮਰ ਤਿਆਗ ਨੇ ਕਰਦੇ
ਮਾਪੇ ਇਨਾਂ ਔਲਾਦਾਂ ਪਿੱਛੇ
ਛੱਡ ਗਏ ਜੋ ਮੰਗੀਆਂ ਤਾ ਉਮਰੇ
ਸਾਡੇ ਲਈ ਮੁਰਾਦਾਂ ਪਿੱਛੇ
ਉਹ ਤਾਂ ਬੂਟਾ ਪਿਆਰ ਦਾ ਲਾ ਗਏ
(ਅਸੀਂ) ਖੋਦੀ ਜਾਨੇ ਖ਼ਾਦਾਂ ਪਿੱਛੇ
ਉਪਕਾਰ ਉਨ੍ਹਾਂ ਦੇ ਅਸੀਂ ਭੁਲਾ ਕੇ
ਭੱਜੇ ਫਿਰੇ ਸਵਾਦਾਂ ਪਿੱਛੇ
ਜੀਉਂਦੇ ਜੀ ਨਾਂ ਪੂਜਾ ਕੀਤੀ
(ਹੁਣ) ਬੱਚੇ ਲੜਨ ਸਰਾਧਾਂ ਪਿੱਛੇ
ਪਿਆਰ ਕਰਨ ਦੀ ਸ਼ੈਅ ਨੇ ਮਾਪੇ
ਨਾ ਠੁਕਰਾਓ ਵਿਵਾਦਾਂ ਪਿੱਛੇ
'ਨੂਰ' ਜੋ ਆਇਆ ਉਸ ਤੁਰ ਜਾਣਾ
ਰੱਖਿਆ ਕੀ ਮਿਆਦਾਂ ਪਿੱਛੇ
ਜਾਣ ਵਾਲੇ ਤਾਂ ਮੁੜ ਨਹੀਂ ਆਉਂਦੇ
ਛੱਡ ਜਾਂਦੇ ਨੇ ਯਾਦਾਂ ਪਿੱਛੇ
~'ਨੂਰ'
