ਸੁਪਨੇ

ਮੇਰੇ  ਸੁਪਨੇ ਨਹੀ ਬਿਕਾਊ
ਕਿਵੇਂ ਮੁੱਲ ਪਾਵਾਂ ਮੈਂ

ਸੁਪਨੇ  ਦੇਖਣ ਤੇ ਰੋਕ
ਨਾ ਕਦੇ ਲਗਾਵਾਂ ਮੈਂ

ਇਹ ਨੀਂਦਰ ਵਿਚ ਨੀ ਆਉਂਦੇ
ਲੱਖ ਬੁਲਾਵਾਂ ਮੈਂ

ਇਹ ਰਾਤੀਂ ਸਾਉਣ ਨੀ ਦੇਂਦੇ
ਤਰਲੇ ਪਾਵਾਂ ਮੈਂ

ਇਹ ਸਿਰ ਤੇ ਚੜ੍ਹਕੇ ਬੋਲਣ
ਬੋਲ ਪੁਗਾਵਾਂ ਮੈਂ

ਇਹ ਅਸਮਾਨਾਂ ਨੂੰ  ਛੂਵਨ
ਮੋੜ੍ਹ ਲਿਆਵਾਂ ਮੈਂ

ਇਹ ਰਾਹੀਂ ਪਾਉਂਦੇ ਨੇ
ਜਦ ਰਾਹ ਭੁੱਲ ਜਾਵਾਂ ਮੈਂ

ਇਹ ਆਸ ਨੂ ਜ਼ਿਂਦਾ ਰਖਦੇ
ਆਸਾਂ ਲਾਵਾਂ ਮੈਂ

ਇਸ ਫੁੱਲ ਨੂ ਖੇੜ੍ਹਆ  ਦਿੰਦੇ
ਜਦ ਮੁਰ੍ਝਾਵਾਂ ਮੈਂ

ਇਹ ਜ਼ਿੰਦਗੀ ਹੈ ਇੱਕ ਸੁਪਨਾ
ਵਿਚ ਸਮਾਵਾਂ ਮੈਂ

ਨੀਂਦਰ ਜੀਵਨ ਦੀ ਟੁੱਟ ਜਏ
ਤਾਂ ਮਰ ਜਾਵਾਂ ਮੈਂ

ਸੁਪਨੇ ਦੀ ਸੋਚ ਅਨੋਖੀ
ਸੋਚ ਸੁਚਾਵਾਂ ਮੈਂ

ਬੱਸ ਜੀਂਦੇ ਰਿਹਣ ਇਹ ਸੁਪਨੇ
ਕਰਾਂ ਦੁਆਵਾਂ ਮੈਂ

ਬੱਸ ਜੀਂਦੇ ਰਿਹਣ ਇਹ ਸੁਪਨੇ
ਕਰਾਂ ਦੁਆਵਾਂ ਮੈਂ

~ਨੂਰ